ဝီထိပိုင်းဘာသာဋီကာ ❆ ❆ ❆ ❆ ❆ ❆ ❆ ❆ ❆ ❆ ❆ စာမျက်နှာ(၂၁၂-၂၁၆) ဌာနံ ဌိတိ,ဘဉ္စနံ ဘင်္ဂေါ၊]ခဏဟူသည်အတိုဆုံးသောအချိန်ကာလတည်း၊စိတ်တစ်ခုတစ်ခု၏ဖြစ်ရာအခါကို ဥပါဒ်ခဏ,တည်ရာအခါကို ဌီခဏ,ပျက်ရာအခါကို ဘင်ခဏဟုခေါ်၏၊ထိုခဏကလေး(၃)မျိုးအပေါင်းကို စိတ္တက္ခဏတစ်ချက်ဟုခေါ်၏၊"ခဏကြီးတစ်ခု"ဟုလည်းခေါ်သည်၊[ဤဥပါဒ် ဌီ ဘင်နှင့်ပြည့်စုံသောစိတ်(စေတသိက်များ)သည်အဖြစ်အပျက်အလွန့်အလွန်လျင်မြန်ရကားလက်ဖြစ်တစ်ချက်တီးခန့်အချိန်၌ပင်ကုဋေတစ်သိန်း ရှေ့နောက်ဆက်၍ဖြစ်ပျက်နိုင်ကြောင်းဖြင့်"ဧကစ္ဆရက္ခဏေ ဟိ ကောဋိသတသဟဿသင်္ချာ ဥပ္ပဇ္ဇိတွာ နိရုဇ္ဈ န္တိ"ဟု ခန္ဓသံယုတ်,ခန္ဓဝိဘင်္ဂဋ္ဌကထာတို့ဆိုသည်။ ရုပ်သက်။ ။ထိုစိတ္တက္ခဏ(၁၇)ချက်ခန့်ကာလသည်ရုပ်တရားတို့၏အသက်ရှည်ရာအချိန်အခါပင်တည်း၊လူတို့၏အသက်တမ်းကို(၁၀၀)တမ်း, (၇၅)နှစ်တမ်းဟုသတ်မှတ်သကဲ့သို့ရုပ်တို့၏အသက်တမ်းလည်း စိတ္တက္ခဏတွက်ကိန်းဖြင့်သတ်မှတ်လျှင်(၁၇)ချက်ခန့်ကြာရှည်သည်"ဟူလို၊ရုပ်တရားတို့မှာလည်းဥပါဒ်အခိုက်,ဌီအခိုက်,ဘင်အခိုက်ဟုအခိုက်အခါ(၃)မျိုးပင်ရှိ၏၊ထို့ကြောင့်ရုပ်တို့၏တွက်ကိန်းအတိုင်းသာသတ်မှတ်ရလျှင်ရုပ်တို့၏သက်တမ်းသည်ဥပါဒ်ခဏ,ဌီခဏ,ဘင်ခဏဟု(၃)မျိုးသာရှိ၏၊ထိုတွင်ရုပ်၏ဥပါဒ်ခဏနှင့်ဘင်ခဏသည်စိတ်၏ဥပါဒ်ခဏ ဘင်ခဏနှင့်ညီမျှ၏၊ဌီခဏကသာစိတ်၏ခဏငယ်ပေါင်း(၄၉)ချက်ခန့်(စိတ္တက္ခဏကြီး(၁၆)ချက်နှင့်ခဏငယ်တစ်ချက်ခန့်)ကြာသည်၊ဤကားအဋ္ဌကထာနှင့်တကွယခုကာလ အများယူအပ်သောဝါဒတည်း၊[စိတ်၏ဌီ ရှိသင့်/မရှိသင့်နှင့်စပ်၍မှတ်ဖွယ်ကိုရုပ်ပိုင်း၌ပြအံ့။] ရူပဓမ္မာနမာယူ။ ။ရူပဓမ္မာနံအရရုပ်(၂၈)ပါးလုံးကိုမယူရ၊ဝိညတ်ဒွေးနှင့်လက္ခဏရုပ်(၄)ပါးကိုကြဉ်ဖယ်ရမည်ဟုဖွင့်ကြ၏၊ချဲ့ ဦးအံ့-ဝိညတ်ဒွေးသည် "စိတ္တာနုပရိဝတ္တိနော ဓမ္မာ"ဟူသော မာတိကာပုဒ်အရတွင်ပါဝင်သောကြောင့်စိတ်နှင့်အတူတကွ ဖြစ်ရ ချုပ်ရ၏၊လက္ခဏရုပ်(၄)ပါးတွင် ဥပစယနှင့်သန္တတိသည်ရုပ်၏ဥပါဒ်ခဏနှင့်ညီမျှ၏၊ဇရတာသည်ရုပ်၏ဌီခဏနှင့်ညီမျှ၏၊အနိစ္စတာသည်ရုပ်၏ဘင်ခဏနှင့်ညီမျှ၏၊ဤသို့ဝိညတ်ဒွေးနှင့်လက္ခဏရုပ်(၄)တို့ သည်စိတ္တက္ခဏ(၁၇)ချက်အသက်မရှည်ကြရကား ဤ"ရူပဓမ္မာနံ"အရ၌ ကြဉ်ဖယ်ရသည်။ မှတ်ချက်။ ။အာကာသဓာတ်,လဟုတာစသည်တို့မှာပရမတ္ထသဘာဝအစစ်မဟုတ်သော်လည်း ပရမတ်စစ်ဖြစ်သောရုပ်ကလာပ်တို့ထင်ရှားရှိနေသမျှ၌သူတို့လည်းရှိနိုင်ကြသောကြောင့်(၁၇)ချက်အသက်ရှိသကဲ့သို့ပင် ဖြစ်ကြသည်၊ဆိုလိုရင်းကား-ရုပ်ကလာပ်နှစ်ခုပေါင်းမိလျှင် အာကာသဓာတ်ပေါ်လာ၏၊ထိုရုပ်ကလာပ်နှစ်ခု၏(၁၇)ချက်တိုင်အောင်တည်ရှိသမျှကာလ၌အာကာသဓာတ်သည်တည်ရှိ၏၊သို့ဖြစ်၍"အာကာသဓာတ်သည်(၁၇)ချက်အသက်ရှည်သကဲ့သို့ပင်ဖြစ်၏"ဟူလို၊ လဟုတာစသည်တို့လည်းဤနည်းပင်၊ထို့ကြောင့်အာကာသဓာတ်နှင့်လဟုတာ စသည်တို့ကား ရူပဓမ္မာနံအရတွင်မကြဉ်ရဟုဖွင့်ကြ၏၊သို့သော် နိပ္ဖန္နရုပ် အနိပ္ဖန္နရုပ်(၂) မျိုးတွင် အနိပ္ဖန္နရုပ်သည် ပရမတ္ထအထည်ကိုယ်မရသောပညတ်သဘောသာဖြစ်၍တကယ်စင်စစ် ဥပါဒ်ခြင်း တည်ခြင်း ပျက်ခြင်းမရှိချေ၊သို့အတွက်"ရူပဓမ္မာနံ"အရ အနိပ္ဖန္နရုပ် အားလုံးကိုပင်ယူသင့်မည်မထင်။ ရုပ်အချုပ်နှေး၍ စိတ်အချုပ်မြန်ပုံ။ ။ "ရုပ်နှင့်နာမ်တရားတို့သည်အနိစ္စ သင်္ခတချင်းတူပါလျက်,အဘယ့် ကြောင့်နာမ်တရားကအသက်တို ၍ရုပ်တရားကအသက်ရှည်ပါ သနည်း"ဟုမေး၊အဖြေကား-နာမ် တရားတို့တွင်စိတ်သည်ပဓာနဖြစ် ၏၊ထိုပဓာနဖြစ်သောစိတ်သည် အာရုံကိုရခြင်းသဘောမျှသာတည်း၊ အာရုံကိုရသည်နှင့်တစ်ပြိုင်နက် စိတ်ဟူသောသဘာဝဓမ္မသည်ချုပ် ၏၊စိတ်ချုပ်လျှင်နောက်လိုက်စေ တသိက်များလည်းချုပ်ရတော့သည်၊ သို့အတွက်နာမ်တရားများသည် အသက်တို၍ရုပ်တရားတို့တွင် မဟာဘုတ်များသည်ပဓာနဖြစ်၏၊ ထိုမဟာဘုတ်တို့သည်လေးဆေး သောသဘောရှိရကားတွဲဖက်ရုပ် များလည်းမဟာဘုတ်ကဲ့သို့အသက် ရှည်ကြလေသည်။[ခန္ဓဝိဘင်းအနု ဋီကာ။ ] [ဆောင်] နာမ်တွင်ချုပ်ချာ,စိတ်တို့မှာ ကား,ဆိုရာအာရုံ,ရမိရုံမျှ,ရ ရှိကလျှင်,အမြန်ပင်ပျက်, သို့ဖြစ်ချက်ကြောင့်,တွဲဖက် အများ,နာမ်တရားတို့,မခြား ဆက်သွယ်,အပျက်လွယ်၏၊ ရုပ်ဝယ်ချုပ်ချာ,ဘုတ်တို့မှာ မူ,လွန်စွာလေးဆေး,အပျက် နှေးသဖြင့်,ယှက်ထွေးရုပ် တွေ,အသက်ရှေသည်,မြွက် လေ အနုဋီကာတည်း။ ❀ ❀ ❀ ❀ ❀ ❀ ❀ ❀ ❀ ❀ ❀ ဧကစိတ္တက္ခဏာတီတာနိ ဝါ ဗဟုစိတ္တ က္ခဏာတီတာနိ ဝါ ဌိတိပ္ပတ္တာနေဝ ပဉ္စာရမဏာနိ ပဉ္စဒွါရေ အာပါတမာ ဂစ္ဆန္တိ ။ အာပါတမာဂစ္ဆန္တိ။ ။အာပါတံ-ရှေးရှု ကျခြင်းသို့(သဒ္ဒါနက်)၊ဝါ-ထင်ခြင်းသို့ (အဓိပ္ပါနက်)၊အာဂစ္ဆန္တိ-ရောက်ကုန်၏၊ "ရှေးရှုကျခြင်း"ဟူရာ၌"ရှေ့တည့်တည့်ဝယ်ကျရောက်လာသည်"ဟုမမှတ်လင့်၊ရှေ့မှာနေနေ,မမြင်ကွယ်ရာ အဝေးမှာ နေနေ,ဆိုင်ရာဒွါရနှင့်စပ်မိဟပ်မိ ဓာတ်ထိမှုကို"ရှေးရှုကျခြင်း" ဟုဆိုသည်၊ဤသို့စပ်မိ ဟပ်မိမှုကိုရှေးဆရာတို့က"တော်ရော်ခြင်း"ဟုအဓိပ္ပါယ်ပြောကြ၏၊"ဆွေမျိုးတော်သည်,ဆွေမျိုးစပ်သည်"ဟူသကဲ့သို့ "တော်ရော်"ဟူသောရှေးစကားလည်း "စပ်ဟပ်ခြင်း"ဟူသောစကားနှင့်အဓိပ္ပါယ်ညီမျှ၏၊ထိုကဲ့သို့တော်ရော်စပ်ဟပ်မိခြင်းသည်ပင်ဆိုင်ရာဒွါရ၌ထင်ပေါ်လာခြင်းဖြစ်သောကြောင့်"ထင်ခြင်း"ဟုလည်းဆိုကြ သည်။ ဝါဒန္တရ။ ။အချို့ဆရာတို့ကားမှန်ထဲ၌အရိပ်ထင်သကဲ့သို့လည်းကောင်း, ရေထဲ၌အရိပ်ထင်သကဲ့သို့လည်းကောင်း,တံဆိပ်နှိပ်သည့်အခါ တံဆိပ်ရာ ထင်သကဲ့သို့လည်းကောင်း ထိုထိုဒွါရ၌ ဆိုင်ရာအာရုံများ၏အရိပ်နိမိတ်ထင်လာခြင်းကို"ထင်ခြင်း"ဟုဆိုလိုကြ၏၊ ထိုစကားကိုစဉ်းစားသင့်၏၊ပစ္စုပ္ပန်ရူပါရုံသည် စက္ခုဒွါရ၌လည်းကောင်း, ဒိဗ္ဗစက္ခုအဘိညဉ်ရသူ၏မနောဒွါရ၌လည်းကောင်းထင်လာ၏၊ ကျောက်ဂူအတွင်း၌တံခါးပိတ်၍ဒိဗ္ဗစက္ခုအဘိညာဉ်ဖြင့်ကြည့်ရှုသောအခါ နတ်ပြည် ဗြဟ္မာ့ပြည်က ရူပါရုံအများပင်ဆက်ကာဆက်ကာထင်လာ၏၊ထိုအထင်မျိုးသည်မှန်ထဲမှာ အရိပ်ထင်သလို ဒိဗ္ဗစက္ခုအဘိညာဉ်မှာအရိပ်ထင်နိုင်ပါအံ့လော၊မျက်လုံးအတွင်းစက္ခုပသာဒတို့စုဝေးရာဌာန၌မှန်မှာအရိပ်ထင်သလို သူငယ်ရိပ်ထင်သည်ကားဟုတ်ပါ၏၊သို့သော်ထိုသူငယ်ရိပ်ထင်ခြင်းသည် စက္ခုပသာဒ ၌ရူပါရုံထင်ခြင်းမဟုတ်၊ထို့ပြင်-သောတစသော ဒွါရများနှင့်မနောဒွါရ၌အာရုံထင်ပုံကိုဆင်ခြင်လိုက်သောအခါမှန်ထဲ၌အရိပ်ထင်လာပုံနှင့်သာ၍ပင် စခန်းဝေးသေး၏၊နိဗ္ဗာန်ဟူသောအမတဓာတ်တရားနှင့်ဘာမျှမရှိသော အဘာဝပညတ်များပင် မနောဒွါရ၌ထင်လာနိုင်ကြ၏၊ထို့ကြောင့်"မှန်ထဲ ရေထဲ အရိပ်ထင်သလို တံဆိပ်ရာထင်သလို,ထိုထိုဒွါရ၌ဆိုင်ရာ အာရုံများထင်လာသည်"ဟူသော ထိုဝါဒကိုစဉ်းစားကြပါ။ စဉ်းစားကြဖွယ် အသွယ်သွယ်။ ။မှန်ထဲ ရေထဲ၌အရိပ်ထင်လာပုံကိုနှစ်မြို့ပြီး ဖြစ်သောထိုဆရာတို့သည်ပင်"ရူပါရုံစသောအာရုံငါးပါးသည်ထင်လောက်သောအရပ်ဒေသ၌ရောက်ရှိကြပါမူအိပ်ပျော်နေခိုက်မှာဖြစ်စေ,မေ့လျော့နေခိုက် မှာဖြစ်စေ,တစ်ပါးသောအာရုံကိုအာရုံပြုနေခိုက်မှာဖြစ်စေဆိုင်ရာဒွါရ၌အာရုံငါးမျိုးလုံးအများ အပြားတစ်ပြိုင်နက်ထင်လာနိုင်သည်" ဟုယူကြပြန်၏၊ဥပမာ-မှန်ကြီးကိုထောင်ထားရာဝယ် မှန်၏ရှေ့မှောက်၌ရောက်သမျှအရာဝတ္ထုတို့တစ်စုတစ်ဝေး ကြီးထင်နိုင်သကဲ့သို့တည်း-တဲ့၊ဤဝါဒနှင့်စပ်၍အာပါတဂမန(၂)မျိုးကို ထုတ်ပြပါအံ့။ အာပါတဂမနအသုံး(၂)မျိုး။ ။အာပါ တဂမနအသုံးကိုကျမ်းဂန်တို့၌(၂)မျိုးတွေ့ရ၏၊အချို့အရာဝယ်ထိုထိုဒွါရ၌ထင်ခြင်းသို့ကားမရောက်,ထင်လောက်ရာအနီးဥပစာသို့ကျရောက်လျှင်ပင်"အာပါတဂမန"ဟုဆို၏၊ ပုံစံကား-"တသ္မိံပန အာပါတမာဂစ္ဆန္တေ ပိ အာလောကသန္နိဿ ယေ အသတိ နုပ္ပဇ္ဇတိ"......အဋ္ဌသာလိနီ (ကာမာဝစရဝိပါကပဒ အဖွင့်)၊ တသ္မိံ- ထိုရူပါရုံသည်၊အာပါတံ-သို့၊အာဂစ္ဆန္တေပိ-ရောက်နေသော်လည်း၊အာလောက သန္နိဿယေ-အရောင်အလင်းဟူသောမှီရာသည်၊အသတိ-မရှိသော်၊နုပ္ပဇ္ဇတိ-စက္ခုဝိညာဉ်မဖြစ်နိုင်၊ဤပါဌ်၌ အရောင်အလင်းမရှိသောမှောင်ကြီးထဲမှာပင်အနီးအပါး၌ရောက်နေသောရူပါရုံကို"အာပါတမာဂစ္ဆန္တေ"ဟုသုံး နှုန်းထား၏၊ထိုအာရုံသည်အနီးအပါး၌ရောက်နေပါသော်လည်းအရောင်အလင်းမရှိသည့်အတွက် စက္ခုပသာဒ၌မထင်လာနိုင်၊ထို့ကြောင့်ဤအရာမျိုးဝယ်"အာပါတံ-ရှေးရှုကျခြင်းသို့"ဟုသဒ္ဒါ နက်ကိုသာအသုံးပြု၍"ထင်ခြင်းသို့"ဟူ သောအဓိပ္ပါယ်နက်ကိုအသုံးမပြုသင့်၊ဤစကားစဉ်အရပကတိနိုးကြားနေဆဲမှာပင်အာလောကမရှိသည့်အတွက် ရူပါရုံ မထင်နိုင်ကြောင်းမှာသိသာပြီးဖြစ်သောကြောင့်"အိပ်ပျော်ခိုက် စသည်၌ အာရုံငါးမျိုးလုံးပင်တစ်ပြိုင်နက်ထင်လာနိုင်သည်"ဟူသောဝါဒကိုလက်ခံစဉ်းစားဖွယ်မလိုတော့ပြီ။ အချို့အရာ၌ကားအနီးဥပစာသို့ရောက်ရုံမျှမက,ထိုထိုဝီထိစိတ်တို့၏အာရုံဖြစ်လောက်အောင်,သို့မဟုတ် ဘဝင်ကိုသော်လည်းလှုပ်စေနိုင်အောင် ထိုထိုဒွါရ၌ထိခိုက်ထင်လာမှုကို"အာပါတဂမန"ဟုသုံးစွဲ၏၊ပုံစံကား-ဧကေကမာရမဏံ ဒွီသု ဒွီသု ဒွါရေသု အာပါတမာဂစ္ဆတိ၊-အဋ္ဌသာလိနီ၊အာပါတမာဂစ္ဆတိ-မနသာ ပဉ္စဝိညာဏေဟိ စ ဂဟေတဗ္ဗဘာဝူပဂမနေန၊-မူလဋီကာ၊ ဂဟေတဗ္ဗဘာဝူပဂမနေန,န အာပါတဂမနမတ္တေန၊-မဓု။ ကောက်ချက်။ ။ဤအဋ္ဌကထာဋီကာ တို့တွင်"အာပါတမာဂစ္ဆတိ"ဟူသောအဋ္ဌကထာ၌"အာပါတ"အရအနီးဥပစာသို့ရောက်ရုံမျှကိုယူမည်စိုးသောကြောင့်"မနသာ၊ပေ၊ဂမနေန"ဟုဋီကာ ဖွင့်ပုံကိုထောက်လျှင်ဤအရာ၌မနောဝိညာဏ် ပဉ္စဝိညာဏ်တို့ယူထိုက် (အာရုံပြုထိုက်)လောက်အောင်ထင်လာမှုကို"အာပါတဂမန"ဟုယူစေလိုကြောင်းသိသာ၏၊"အာပါတံ-ရှေးရှုကျခြင်းသို့၊ဝါ-ထင်ခြင်းသို့"ဟု လည်းအနက်နှစ်မျိုးရနိုင်၏၊ဤသို့လျှင်ကျမ်းဂန်တို့၌ အာပါတဂမန သုံးစွဲပုံနှစ်မျိုးရှိ၏၊ထိုတွင်ဤသင်္ဂြိုဟ် ကျမ်းက အာပါတဂမနသည်ယခုနောက်ဖွင့်ပြအပ်သော အာပါတဂမနမျိုးတည်း။ အဗာဓံ။ ။အာပါတမာဂစ္ဆန္တိ၌"အဗာဓ, အာဗာဓ,အာပါထ,အာပါတ"ဟုအမျိုးမျိုးရေးသားရွတ်ဖတ်ကြ၏၊ထိုတွင်"အဗာဓံ တု နိရဂ္ဂလံ"-(၇၁၇)အဘိဓာန်၌"အဗာဓံ နိရဂ္ဂလံ-ထင်ခြင်း"ဟူသောနိဿယကိုအားကိုး၍"အဗာဓ မာဂစ္ဆန္တိ"ဟုအချို့ရွတ်ဆိုကြ၏၊"နတ္ထိ ဗာဓော နိသေဓော ယဿ"ဟု ဝစနတ္ထပြု၍"အဗာဓံ-အတားအဆီးမရှိ"(ဟာလာဟင်းလင်းပွင့်နေသည်ဟူသောအဓိပ္ပါယ်)အနက်မျိုးကိုအသုံးပြုမှကျနမှန်ကန်မည်၊ထို့ကြောင့်တံခါးရွက်စသောအပိတ်အကာမရှိရာ၌အသုံးပြုသော"အဗာဓံ" ပါဌ်သည်ဤနေရာ၌မသင့်။ အာဗာဓံ။ ။"အာဗာဓံ"ဟုရွတ်ဆိုသူတို့က"အာဗာဓံ-ထိခိုက်ခြင်းသို့" ဟုအနက်သုံးကြ၏၊သဒ္ဒါနှင့် အနက်ကားတန်ပါ၏၊သို့သော်"ထိခိုက်"ဟူသောစကားမှာ သပ္ပဋိဃရုပ်ဖြစ်သော ပဉ္စဝတ္ထု ပဉ္စာရုံတို့အတွက် အဓိပ္ပါယ်မပျက်သော်လည်း"မနောဒွါရေ အာပါတမာဂစ္ဆတိ"ဟုလာသော မနောဒွါရအတွက်ကားလားလားမှမသင့်တော့ချေ၊ ဘာ့ကြောင့်နည်း...ဘာမျှမရှိသော အဘာဝပညတ်နှင့် အမတဓာတ်တရား တို့ထင်ရာ မနောဒွါရ၌ထိုကဲ့သို့ထိဖွယ်မရှိသောကြောင့်တည်း၊ထို့ကြောင့် ပဉ္စဒွါရ မနောဒွါရနှစ်ဌာန၌ပင်"အာပါတမာဂစ္ဆတိ"ဟုပါဠိတူ,အသွားတူဖြစ်နေသောကျမ်းဂန်များအလို"အာဗာဓ"ဟုလည်းမရွတ်ဆိုသင့်။ အာပါထံ။ ။"အာပါထံ"ဟုရွတ်ဆိုသူတို့က"အာပါထံ-ရှေးရှုလမ်းသို့" ဟုလည်းကောင်း,"ပထ-ချာတေ(ထင်ခြင်း၌ဖြစ်၏)"ဟူသော ဓာတ်ကျမ်းကိုအမှီပြု၍"အာပါထံ-ထင်ခြင်းသို့"ဟု လည်းကောင်းအနက်သုံးကြ၏၊ထိုတွင် "လမ်း"ဟူသောအနက်ကို ပထပုဒ်ကသာဟော၍,ပါထပုဒ်က မဟောသော ကြောင့်လည်းကောင်း,အကယ်၍ဟောစေကာမူရှေးရှုလမ်း(အနီးဥပစာ)သို့ရောက်ရုံမျှဖြင့် ထိုထိုဒွါရ၌မထင်နိုင်သေးသောကြောင့်လည်းကောင်း အာပါထပါဌ်ကိုလည်းမသင့်ဟုမှတ်ပါ။ အာပါတံ။ ။"ထပေတွာ ရူပါဒီနံ အဘိနိပါတမတ္တံ"ဟူသော ဉာဏဝိဘင်္ဂဋ္ဌကထာ-"အာပါတမာဂတေတိ ယောဂျဒေသာဝ ဌိတေ"ဟူသော ခန္ဓနိဒ္ဒေသမဟာဋီကာနှင့်"အညမညပတနံ အညမညဿ ယောဂျဒေသအဝဋ္ဌာနံ"ဟူသော တိကမာတိကာအဖွင့် အနုဋီကာတို့ကိုထောက်၍"အာပါတံ"ပါဌ်သာအသင့်ဟု မှတ်ရာ၏၊ထိုစကားမှန်၏-အဋ္ဌကထာ ၌ အာပါတဝယ် အာ၏ကိုယ်စား အဘိပုဒ်,ပါတ၏ကိုယ်စား နိပါတပုဒ်ဖြင့်ပြထား၏၊"အညမညပတနံ"ဝယ်ယုံမှားဖွယ်မရှိသော ပတဓာတ်ကို"ယောဂျဒေသာဝဋ္ဌိတေ"ဟု မဟာဋီကာ၌တစ်ထပ်တည်းဖွင့်ပြ သည်။ ပဉ္စာရုံနှင့် ပဉ္စပသာဒ။ ။ရုပ်ကလာပ်တစ်ခုခုသည်ပြောပြ၍မဖြစ်နိုင်လောက်အောင်သေးငယ်၏၊ပကတိမျက်စိဖြင့်ကြည့်ချင်တိုင်းကြည့်၍မမြင်ရ(အလွန်ကောင်းသောမှန်ဘီလူးဖြင့်သာမြင်ရသော)ပိုးကောင်ကလေးများရှိသေး၏၊ ထိုပိုးကောင်ကလေးများ၌ ကမ္မဇ စိတ္တဇ ဥတုဇ အာဟာရဇဟု ရုပ်ကလာပ်အစုအဝေးကြီးတွေမရေမတွက်နိုင်အောင်များ၏၊သို့ပါလျက်လည်းပကတိမျက်စိဖြင့်မမြင်နိုင်၊ထို့ကြောင့်ရူပါရုံသည်စက္ခုပသာဒသို့ ထင်လာရာ၌ရူပါရုံတစ်ခုတည်းမထင်နိုင်၊သိဝိကုဗ္ဗဟနနည်းအားဖြင့်ရူပါရုံအများပေါင်းစုမိမှထင်လာနိုင်သည်၊"ထမ်းစင်ကိုထမ်းရာ၌လူ တစ်ယောက်တည်းမထမ်းနိုင်,